Hinamon ni Davao City 1st District Rep. Paolo “Pulong” Duterte ang mga otoridad na ipakita sa publiko ang valid na warrant of arrest, dokumento, legal na batayan at proseso ng pagpapa-aresto kay Senator Ronald “Bato” Dela Rosa, sa gitna ng patuloy na pagsusuri ng International Criminal Court (ICC) sa mga alegasyon ng krimen laban sa sangkatauhan na may kaugnayan sa “War on Drugs.”
Tugon ito ni Duterte sa sinabi ni Palace Press Officer Atty. Claire Castro na may valid na warrant of arrest na siyang batayan ng pagtugis kay Dela Rosa.
Ang pagsisiyasat ng International Criminal Court (ICC) ay nakatuon sa mga di-umano’y extrajudicial killings na naganap mula Nobyembre 1, 2011, hanggang Hunyo 30, 2016, at mula Hulyo 1, 2016, hanggang Marso 16, 2019, isang panahon kung saan si Dela Rosa ay nagsilbi bilang hepe ng Philippine National Police (PNP) sa ilalim ng dating Pangulong Rodrigo Duterte.
Gayunman, mariing tinututulan ng pamahalaan ng Pilipinas ang hurisdiksyon ng ICC, binabanggit ang pag-alis nito mula sa Rome Statute noong 2019, at nanindigan na hindi ito makikipagtulungan sa anumang imbestigasyon ng ICC o isusuko ang sinumang opisyal nito.
Sa kabila ng posisyon ng pamahalaan hinggil sa mga internasyonal na warrant, tiniyak ng Philippine National Police (PNP) na tuloy ang kanilang paghahanap sa senador, na nagpapahiwatig na ang anumang aktibong pagtugis ay batay sa isang lokal na prosesong legal dahil hindi nila kinikilala o ipinapatupad ang mga warrant ng ICC.
Bahagi umano ng kanilang trabaho ang ganitong hakbang at wala ring ibibigay na special treatment, kahit dating PNP chief si Sen. Dela Rosa.
Buwelta ni Rep. Pulong kay Castro, Section Marang Row 10 ito na ibig sabihin ay sablay ang mga rason nito o mali ang pang-unawa sa usapin.
