Pulis binaril ang misis matapos paratangan nang pangangaliwa

ILOILO CITY – Hindi napigilan ng isang pulis sa Iloilo ang kanyang sarili at pinaputukan ng kanyang service firearm ang misis nito.

Kinilala ang suspek na si Staff Sgt. Jayniel Borja, nakadestino sa Anilao Municipal Police Station at residente ng Barangay Libot, Calinog, Iloilo.

Sa esksklusibong panayam ng Bombo Radyo Iloilo kay Police Captain Dadje de Lima, hepe ng Calinog Municipal Police Station, sinabi nito na nagdududa ang misis ng pulis na may ibang babae ang kanyang mister.

Sa sobrang galit ng pulis, pinaputukan nito ang kanyang misis sa loob mismo ng kanilang bahay.

Ipinarating naman ni De Lima ang pangyayari sa hepe ni Borja.