Itinuturing ng Catholic Bishops’ Conference of the Philippines (CBCP) na isa si Pope Leo XIV sa pinakamabilis na nahalal bilang Santo Papa sa kasaysayan ng Simbahang Katolika.
Ayon kay CBCP spokesperson Fr. Jerome Secillano, umabot lang aniya ng apat na balota ang naging botohan ng mga kardinal.
Posibleng factors aniya dito ay ikinokonsidera na nila noon pa si Cardinal Prevost at napakinggan ang kaniyang background sa isinagawang general congregations kung saan isa ding canon lawyer si Pope Leo at maalam magsalita ng maraming lenggwahe.
Maaaring ikinonsidera ng cardinal electors na nasa mataas na posisyon sa Vatican si Cardinal Prevost bilang head ng Dicastery for Bishops na katuwang ng Santo Papa sa pagtatalaga ng mga obispo sa buong mundo.
Tinukoy din ni Fr. Secillano ang pangalan ng Santo Papa ay tanda ng pagkilala at pagpupugay sa mahihirap at manggagawa.
Inihayag din ng CBCP official na kaisa ang lahat ng Pilipinong Katoliko sa pagsunod at pagsuporta sa papacy ng bagong pontiff.
