Nagsagawa ngayong araw ang Philippine Army ng send-off ceremony para sa 10th Field “Rolling Thunder” Battalion ng Army Artillery Regiment sa Philippine Army Headquarters sa Taguig City.
Ang naturang unit ay magsisilbi bilang mother unit sa tatlong batteries ng bagong Autonomous Truck Mounted howitzer System (ATMOS) 155 mm self-propelled gun system na binili ng pamahalaan sa Israel defense company Elbit System ngayong taon.
Nakatakda i-deploy ang mga ito sa Central Mindanao.
Noong buwan ng Abril ay nagsagawa ang Philippine Army ng three-day live-firing exercise gamit ang Autonomous Truck Mounted howitzer System (ATMOS) 155 mm self-propelled gun system.
Ang exercise ay ginanap noong April 6 hanggang 8 April sa Fort Magsaysay Military Reservation area sa Nueva Ecija.
