Inaasahan ng DA na mag-aangkat ang Pilipinas ng mas kaunting bigas, dahil nakatutok ito sa lokal na produksyon ng mga pangunahing bilihin.
Ang pahayag ng DA ay dumating matapos iulat ng United States Department of Agriculture (USDA) na nalampasan na ng Pilipinas ang China bilang nangungunang importer ng bigas sa buong mundo.
Ang United States Department of Agriculture, sa pinakahuling ulat nitong “Grain: World Markets and Trade,” ay inaasahang aabot sa 3.8 milyong metrikong tonelada (MMT) ang pag-aangkat ng bigas ng Pilipinas sa taong marketing 2023-2034, habang ang pag-import ng China ay bababa sa 3.5-M MT.
Sa isang pahayag, sinabi ni DA Undersecretary for Rice Industry Development Leocadio Sebastian na ang pag-aangkat ng bigas ng bansa para sa 2023 ay inaasahang mas mababa kaysa sa pagtataya ng USDA.
Aniya, ipinahihiwatig nito na ang dami ng na-import ng DA noong 2022 ay higit pa sa deficit.
Una nang sinabi ng naturan departamento na a ang Pilipinas ay may sapat na suplay ng bigas hanggang katapusan ng taon.
