Nahaharap sa patung-patong na reklamong graft, paglabag sa Revised Penal Code at violation sa Code of Conduct and Ethical Practices for Public Officials ang mismong commissioner ng Presidential Anti-Corruption Commission na si Greco Belgica.
Batay sa complaint na inihain ng isang Monalie Dizon sa Office of the Ombudsman, inakusahan nito si Belgica ng paggamit sa resources ng PACC nang makisali sa isang raid na umaresto sa dalawang opisyal ng Bureau of Internal Revenue (BIR).
Dagdag pa nito, humawak din ng armas si Belgica at nagtangkang babarilin ang mga nahuling suspek.
“Belgica failed to observe the norms of conduct of public officials under the Code of Conduct and Ethical Standards for Public Officials. He chose personal interest—which is to attain publicity—over public interest when he alerted the media to cover his operation in spite of the fact that the Commission did not sanction the operation,” ani Dizon.
“It cannot be denied that Belgica’s purpose of doing these raids and entrapments of alleged suspects was for a purely personal matter.”
Nangyari ang nasabing raid noong June 2018 kung saan nadakip at kinasuhan ang BIR officials na sina Arturo Buniol, Gary Atanacio, at Edgardo Javier.
Ayon kay Dizon, nag-request si Belgica sa NBI na mag-deploy ng mga agents kahit walang authorization mula sa PACC.
