Isinusulong ni Davao City 1st District Representative Paolo Duterte ang panukalang batas na nagbibigay ng free legal assistance sa mga personnel ng PNP at AFP.
Layon ng mambabatas na mapalakas pa ang moral ng mga enlisted personnel sa pagganap ng kanilang mga sinumpaang tungkulin at responsibilidad.
“It is just but necessary that the enlisted personnel of both the AFP and the PNP be provided legal assistance for they put their lives at risk every day in ensuring that there is peace and order in the country,” pahayag ni Duterte.
Ang House Bill No. 1755, na co-authored ni Rep. Eric Yap ay kilala rin bilang Free Legal Assistance Act for Enlisted Personnel of the Armed Forces of the Philippines at Philippine National Police ay nakasaad na parehong enlisted personnel ng pulis at militar ay may karapatan sa libreng legal na tulong para sa mga singil na naaayon sa kanilang mga opisyal na tungkulin.
“Most of the time, they are wrongfully accused and charged, especially when their job involves having to expose high profile syndicates including the illegal activities of influential groups or individuals,” paliwanag ni Rep. Duterte.
Sa ilalim kasi ng panukala, ang Public Attorney’s Office (PAO) ang mangunguna sa pagbibigay ng libreng legal na serbisyo sa sinumang opisyal o enlisted personnel ng AFP at PNP habang ang halagang kailangan para sa epektibong pagpapatupad ng Batas ay magmumula sa Legal Defense Fund sa pamamagitan ng General Appropriations Act.
Ang pagpapatupad nito ay dapat mayruong close coordination sa Chief of Staff ng AFP, Chairperson ng National Police Commission (Napolcom), at Chief ng PNP.
Binigyang-diin nina Duterte at Yap na habang ang AFP ay may pananagutan sa pagtataguyod ng soberanya ng bansa, pagsuporta sa Konstitusyon at pagtatanggol sa teritoryo, ang PNP naman ang may pananagutan sa pagpapatupad ng batas, pagpigil at pagkontrol sa mga krimen, pagpapanatili ng kapayapaan at kaayusan, at pagtiyak kaligtasan at seguridad ng publiko na may aktibong suporta ng komunidad.
