Nakipagpulong ngayong araw si Pangulong Ferdinand Marcos Jr sa mga opisyal mula sa Department of Health (DOH) kung saan tinalakay ang COVID-19 response ng bansa.
Ayon sa DOH, tinalakay sa naturang pagpupulong ang usapin sa vaccination coverage at ilang recommended strategies para mapalakas ang COVID-19 response ng bansa.
Ilan sa mga dumalo sa naturang pagpupulong sa Aguinaldo State Dining Room sa Malacañang Palace ay sina DOH Undersecretaries Maria Rosario Vergerie, Ma. Carolina Vidal-Taiño, Abdullah Dumama Jr., Lilibeth David at Assistant Secretary Maylene Beltran.
Kabilang din sa mga attendees ay ang mga executives mula sa Inter-Agency Task Force for the Management of Emerging Infectious Diseases (IATF-EID) at Philippine Health Insurance Corporation (PhilHealth).
Present din sina Executive Secretary Victor Rodriguez, Special Assistant to the President (SAP) Secretary Antonio Lagdameo Jr., Presidential Management Staff Secretary Ma. Zenaida Angping, at Interior Secretary Benjamin Abalos Jr.
Samantala, masusi at maingat ang pagpili ng Marcos administration sa susunod na magiging kalihim ng Kagawaran ng Kalusugan
