Mariing pinabulaanan ni Deputy Speaker Lray Villafuerte na hayagang ininsulto ng kampo ni Speaker Allan Peter Cayetano si Marinduque Rep. Lord Allan Velasco sa harap mismo ni Pangulong Rodrigo Duterte.
Paglilinaw ito ni Villafuerte matapos sabihin ni Oriental Mindoro Rep. Doy Leachon na totoong ininsulto ng ilan sa mga supporters ni Cayetano si Velasco sa kanilang pulong kagabi kasama si Pangulong Duterte kung saan tinalakay ang girian sa term-sharing agreement sa speakership post.
Sa isang panayam, iginiit ni Villafuerte na sa halip na pag-isahin silang mga mambabatas ay nagawa pa raw ng kampo ni Velasco na mang-intriga.
Iginiit ni Villafuerte na walang naganap na pang-iinsulto sa kanilang pagpupulong kagabi.
Una rito, sinabi ni Leachon na ininsulto ng kampo ni Cayetano si Villafuerte dahil sa pagtataksil daw nito sa term-sharing agreement nang tinangkang patalsikin ang lider ng Kamara.
