Ipinagbawal ng Department of Agriculture (DA) ang pag-angkat ng mga baka at kalabaw at mga produkto nito mula sa Libya, Russia, South Korea at Thailand.
Ito ay sa gitna ng paglaganap ng lumpy skin disease (LSD) sa apat na bansa.
Inilabas ni Agriculture Secretary Francisco Tiu Laurel Jr. ang Memorandum Order No. 6 na nagbabawal sa pagpasok ng mga live na baka, kalabaw, kanilang mga produkto at by-products, kabilang ang gatas mula nasabing hayop.
Sinabi ni Laurel na ang pagbabawal ay inilabas kasunod ng mga opisyal na ulat na isinumite sa World Organization for Animal Health ng mga awtoridad na nagpapansin ng paglaganap ng nasabing sakit na nakakaapekto sa mga baka at kalabaw sa apat na bansa mula Nobyembre hanggang Disyembre 2023.
Alinsunod sa pagsususpinde, naglabas ang DA ng agarang pagsususpinde sa pagpoproseso, pagsusuri ng aplikasyon at pagpapalabas ng Sanitary at Phytosanitary import clearance nito.
Inatasan din ni Laurel ang mga opisyal ng DA veterinary quarantine na tiyakin ang mahigpit na inspeksyon sa lahat ng pagdating ng gatas at mga produkto ng gatas.
Ayon sa datos ng Bureau of Animal Industry, nag-import ang bansa ng kabuuang 35.7 milyong kilo ng mga produktong karne ng kalabaw noong Enero hanggang Nobyembre 2023.
