P30-M halaga ng medical supplies mula sa China nasa PH na

Dumating na sa bansa ang nasa P30 milyong halaga ng medical supplies mula sa Fujian, China.

Ayon sa Armed Forces of the Philippines (AFP) ang nangasiwa ng shipment, isinakay ang mga ito sa Philippine Air Force C-130 aircraft.

Kinabibilangan ito ng 20,000 personal protective equipment, 3,000 face shields, 3,000 goggles, 100,000 gloves, 42,000 KN-95 masks at 500,000 surgical facemasks.

Ipinasakamay naman ito kay Defense Secretary Delfin Lorenzana at National Task Force COVID-10 Chief Implementer Carlito Galvez Jr.

Sinabi pa ng AFP, mayroong 552,808.27 pounds na ng cargo ang ibiniyahe na sa iba’t ibang mga eroplano ng Air Force.