All set na ang Department of Social Welfare and Development (DSWD) sa kanilang ipapamahaging tulong sa mga lugar na maaapektuhan ng bagyong Henry.
Sinabi ng DSWD na kahapon ay nasa tinatayang P1.5 billion stockpiles at standby funds na ang inihanda nito para sa disaster response operations.
Mula sa pondong ito, P600 milliom ang available standby funds sa Central Office at mga field offices.
Maliban dito, handa na rin ang nasa 500,376 family food packs na nagkakahalaga ng P300 milli9n, iba pang food items na mahigit P180 million at non-food items na nagkakahalaga naman ng P424 million.
Pagtitiyak ng DSWD, naka-preposisyon na sa mga strategic locations sa bansa ang mga relief items.
Kaugnay nito ay patuloy naman ang paalala ng ahensya sa publiko na maging alerto at makinig sa abiso ng pamahalaan.
