Nuggets makakatanggap ng mahigit $7-M matapos magkampeon sa NBA

Makakatanggap ng $7,128,558 o katumbas ng mahigit P397.38 milyon ang Denver Nuggets matapos ang kampeonato sa NBA kontra Miami Heat.

Ang nasabing halaga ay katumbas ng 26 percent ng pera na pinaghatian ng liga sa mga playoff teams.

Mayroon namang $4,837,547 ang tatanggapin ng Miami habang ang Boston Celtics ay makakatanggap ng mahigit $2-M.

Magugunitang tinalo ng Nuggets ang Heat sa kanilang best of seven finals na siyang unang NBA title ng koponan mula noong ito ay itinaguyod.