‘North Korea nagpakawala ng cruise missiles’ -SoKor

Naniniwala ang Joint Chiefs of Staff ng South Korea na nagpakawala ngayon ang North Korea ng hinihinalang short-range cruise missiles sa karagatan ng Japan.

Batay sa ulat, pinasabog ang mga missiles malapit sa bayan ng Munchon na matatagpuan sa Silangang bahagi ng Kangwon province.

Patuloy naman ang pagmamatyag ng South Korean military sa sitwasyon katuwang ang US forces.