NGCP handang tumugon kapag kunin ng TransCo ang systems operation nila

Handang tumugon ang National Grid Corporation of the Philippines (NGCP) sa pahayag ng National Transmission Corporation (TransCo) ng Department of Energy na kanilang i-take over ang systems operations nila.

Sinabi ni NGCP spokesperson Atty. Cynthia Alabanza, na kanilang nirerespeto ang hakbang na ito ng gobyerno kung matuloy.

Ilan sa mga ikinakabahala nila ay ang epekto ng pagbabago ng kontrata sa gitna ng pagpapatupad nito.

Magugunitang inihayag ng DOE ang nasabing rekomendasyon at tanging ang transmission operations lamang ang pamumunuan ng NGCP.