Nasa 500 persons deprived of liberty (PDL) sa New Bilibid Prison (NBP) sa Muntinlupa City ay ililipat sa Davao Prison and Penal Farm (DPPF) sa Davao del Norte, ayon sa Bureau of Corrections (BuCor).
Sa isang pahayag, sinabi ng BuCor na ang mga ililipat ay ikukulong sa bagong itinayong gusali ng Davao Prison and Penal Far.
Sinabi ng kawanihan na ang bagong gusali ay ininspeksyon ng General Services Division (GSD) ng bureau sa pangunguna ni C/Supt. Raul P. Levita at mga miyembro ng kanyang mga tauhan
Aniya, layunin ng inspeksyon na suriin ang kalagayan ng mga pasilidad nito bilang paghahanda sa paglilipat ng limang daang (500) Persons Deprived of Liberty mula sa New Bilibid Prison (NBP).
Kung matatandaan, noong Hunyo 27, nasa 500 PDL mula sa New Bilibid Prison at Correctional Institution for Women sa Mandaluyong City ang dinala sa Iwahig Prison and Penal Farm (IPPF) sa Puerto Princesa City sa Palawan.
Nauna nang ibinunyag ni BuCor Director General Gregorio Catapang Jr. ang plano na ilipat ang lahat ng Persons deprived of liberty inmate at ilipat sa iba pang pasilidad ng bilangguan ng nasabing kawanihan.
Una nang sinabi ni Catapang na ang New Bilibid Prison ay isasara sa 2028 para gawing sentro ng gobyerno.
