CAGAYAN DE ORO CITY – Patay ang isang guro matapos barilin ng kanyang live-in partner sa San Isidro, Magsaysay, Misamis Oriental.
Kinilala ang biktima na si Daryl Joy Legaspi, 26-anyos at residente sa naturang lugar.
Sinabi ni Lt. Ramil Langala, hepe ng Magsaysay Municipal Police Station, bago ang insidente ay nagkaroon ng pag-aaway ang mag live-in partner kung saan gusto na umanong makipaghiwalay ng babae.
Ayon kay Langala, habang hinahatid ng biktima ang kanyang estudyante ay sinundan ito ng suspek at binaril gamit ang 9mm pistol.
Nagtamo ang biktima ng dalawang tama ng bala ng baril sa katawan at isa sa kanyang ulo.
Mabilis naman umanong tumakas ang suspek papalayo sa lugar ngunit naharang ito sa checkpoint sa bandang Caraga Region at nakipaghabulan sa mga pulis.
Ilang minuto ay huminto rin ito ngunit biglang umalingawngaw ang putok ng baril.
Nakita na lamang ang negosyante na si Noel Sabalo, 59-anyos, sa loob ng kanyang sasakyan na may tama na sa ulo.
