Sinampahan ng kasog cyberbullying ni Miss Grand Thailand 2019 Coco Arayha Suparuk ang tatlong internet users.
Kasunod ito sa naging komento niyang mataba daw si 2018 Miss Universe Catriona Gray.
Nakaharap ni Suparuk ang dalawa sa mga inireklamo at hindi nito maiwasan na maiyak dahil sa social media bashers.
Tinawag nito na ang mga komento ng hindi na pinangalanang internet users ay nakakasirang puri at hindi na dapat ilabas sa social media.
Humingi naman ng paumanhin ang mga inireklamo at pinayagan sila basta magsagawa ng public apology sa social media.
Kasamang hinarap ni Coco si Miss Grand International President Nawat Itsaragrisil.
Magugunitang noong nakaraang mga buwan ay nagpost si Coco ng larawan ni Catriona kasama si Miss Grand International 2018 Clara Sosa sa kaniyang Instagram story at may caption ito ng si Clara ay fit habang si Catriona ay fat.
Nagpahayag naman ito ng kahandaan ng paghingi ng paumanhin sakaling tawagan siya ni Catriona.
Nakatakdang sumabak si Coco sa Miss Grand International pageant sa Oktubre 25 na gaganapin sa Venezuela kung saan pambato naman ng Pilipinas ay si Samantha Ashley Lo.
