Kabilang umano sa mga posibleng iharap na testigo ng House prosecution panel sa impeachment trial sa Senado ni Vice President Sara Duterte ang mga opisyal mula sa Anti-Money Laundering Council (AMLC), Office of the Ombudsman, Securities and Exchange Commission (SEC) at National Bureau of Investigation (NBI).
Ayon kay House Prosecutor at Bicol Saro Party-list Representative Terry Ridon, mahalaga ang testimonya ng mga opisyal kaugnay ng alegasyon ng unexplained wealth at posibleng paglabag may kinalaman sa State of Assets, Liabilities and Net worth (SALN).
Saad ng kongresista na pinag-aaralan pa kung isasama ang mga opisyal ng Bureau of Internal Revenue (BIR) bilang testigo kaugnay ng tax records ni VP Sara at ng kanyang asawang si Atty. Mans Carpio.
Samantala, bukod sa volunteer lawyers, kukuha rin ang prosecution panel ng financial experts, accountants, at auditors upang suriin ang AMLC records at SALNs para mas mapalakas ang kanilang ebidensya sa paglilitis.
