-- Advertisements --

Pinapatutukan ni House Committee on People’s Participation chairperson Rida Robes sa pamahalaan ang issue sa mental health sa gitna ng COVID-19 pandemic.

Mas dumami kasi aniya sa ngayon ang insidente ng depression at suicide bunsod ng pandemya.

Sa kabila aniya ng seryosong problema na ito ay limang porsiyento lamang ng budget ng Department of Health (DOH) ang inilaan para sa mental health programs.

Kaya nga inihain niya kamakailan ang House Bill No. 9980 na magtatatag ng mental health clinic sa San Jose Del Monte City sa Bulacan.

Kung sakali, ito ang siyang magiging kauna-unahan sa bansa kapag naisabatas ang naturang panukala.

-- Advertisement --

Pasado na ang panukala sa Kamara at hinihintay na lamang ang pag-apruba ng Senado.

Kabilang sa mga serbisyong ibibigay nito ay counseling at therapy, iba’t ibang psychiatric services at psychotherapy services sa mga pasyenteng may anxiety, trauma at depression.