Abanse na sa kani-kanilang gold medal match sina Olympian boxer Irish Magno at Ian Clark Bautista sa nagpapatuloy na 31st Southeast Asian Games sa Hanoi, Vietnam.
Tinalo kasi ni Magno si Novita Sinadia ng Indonesia sa score na 5-0 sa women’s 48-51 kg. event.
Habang nangibabaw si Bautista kay Rangsey Sao ng Cambodia sa men’s 52-57 kg. event.
Makakasama nila sina Eumir Marcial at Rogen Ladon sa kani-kanilang gold medal matches sa darating na Linggo, Marso 22.
Samantala hanggang bronze medal ang tiyak na makukuha nina Olympic silver medalist Nesthy Petecio at Marjon Pianar.
Nabigo kasi si Petecio kay Thi Linh Tran ng Vietnam sa semifinals ng women’s 57-60 kg. event sa score na 3-2 habang si Pianar ay pinadapa ni Sarohatua Lumbantobing 4-1 ng Indonesia sa men’s 63-69 kg. events.
