Inihahanda na ng Bureau of Immigration (BI) ang kinakailangang logistics para sa deportation ni US Marine Lance Corporal Joseph Scott Pemberton.
Sinabi ni Immigration spokesperson Dana Sandoval, nakikipag-ugnayan na ang BI sa Kampo Aguinaldo para talakayin ang logistical preparations sa pagpapa-deport kay Pemberton.
Ayon kay Sandoval, naisumite na ang mga documentary requirements pero wala pang flight details at hindi pa malinaw kung papaano ang gagawing implementasyon.
Kahapon, nailipat na sa BI mula sa Bureau of Corrections (BuCor) ang kustodiya ni Pemberton bagama’t nananatili pa rin ito sa detention facility sa loob ng Kampo Aguinaldo.
“BI agents are conducting a coordination meeting now in Camp Aguinaldo to discuss logistical preparations for Pemberton’s deportation,” ani Sandoval.
