Tila ipinagdiwang din ng mga atleta sa Milano Cortina Winter Olympics ang Valentine’s week matapos maubos ang kanilang libreng supply ng condom bago pa man dumating ang Valentine’s day.
Napag-alaman na mahigit 10,000 prophylactics ang ipinamahagi sa mga city at mountain accommodation sites ng mga organizer, bilang bahagi ng matagal nang Olympic tradition para itaguyod ang ligtas na relasyon sa mga karaniwang kabataan at aktibong atleta na magkakasama sa close quarters.
Ngunit pagdating ng Sabado, naubos na ang stock habang may higit isang linggo pa ang laro, na nagdagdag sa Milan sa listahan ng mga Games kung saan mas mataas ang demand kaysa sa supply.
Ani International Olympic Committee spokesman Mark Adams, “Clearly this shows Valentine’s Day is in full swing at the village. Ten thousand have been used – 2,800 athletes – you can go figure, as they say.” Nagbiro pa siya, “It is rule 62 of the Olympic Charter that we have to have a condoms story. Faster, higher, stronger, together.”
Nagulat din ang ilang atleta sa bilis ng pagkaubos ng condoms. Ayon kay Mexican figure skater Donovan Carrillo, “I just saw that this morning. I was, like, shocked as everyone else.”
Samantala, sinabi ni Mialitiana Clerc, isang alpine skier mula sa Madagascar, na wala na ring natira sa kanilang accommodation. “There were a lot of boxes at the entrance of every building where we were staying and every day, everything had gone from the box. I already know that a lot of people are using condoms, or giving them to their friends outside of the Olympics because it’s a kind of gift for them.”
