NAGA CITY- Patay ang isang lalaki matapos na pagbabarilin sa San Narciso, Quezon.
Kinilala ang biktima na si Efren Magtibay Monterola, nasa legal na edad at residente kan Brgy. Abuyon, sa nasabing bayan.
Sa nakalap na impormasyon ng Bombo Radyo Naga sa Quezon Police Provincial Office, nabatid na nangyari ang pamamaril sa malayong lugar ng Sitio Batud sa nasabing barangay kung saan, pumutan ang biktima kasama ang kanyang pasahero na kinilalang si Jenny Castillo Dela Cruz at ang anak nito na si Edgar Monterola patungo sa town proper (San Narciso, Quezon).
Pag-dating sa lugar, bigla na lamang dumating ang hindi pa nakikilalang suspek at dito rin nito pinagbabaril ang biktima sa iba’t ibang bahagi ng kanyang katawan na nagin dahilan ng kanyang agarang pagkamatay.
Samantala, agad naman tumakas ang suspek bitbit ang baril na kanyang ginamit.
Sa ngayon ay nagpapatuloy pa ang isinasagawang imbestigasyon ng mga otoridad hinggil sa nasabing insidente.
