Matagumpay na inaresto ng mga tauhan ng National Bureau of Investigation Anti-Organized and Transnational Crime Division ang isang lalaki na sangkot sa kaso ng panggagahasa.
Kinilala ang suspect na si DANIELLE NIKKO ALONZO MACAIRAN alyas ”JOAQUIN ALONZO”
Ang operasyon ay kasunod ng naging reklamo ng nagpakilalang biktima na inihain noong September 21, 2023.
Batay sa salaysay ng biktima ,pinilit umano siyang dalhin ng suspect sa isang hotel sa lungsod ng Maynila at dito na siya hinalay ng akusado.
Sa medico-genital at physical examinations na isinagawa ng NBI- Medico Legal Division, lumalabas na nagkaroon ng abrasions sa private parts ng biktima at mga pasa sa iba’t-ibang bahagi ng katawan nito.
Nakasaad rin sa CT scan result ng biktima, nagkaroon ito ng multiple head trauma.
Matapos nga na matangap ng NBI ang naturang reklamo ay agad silang nagsagawa ng operasyon na nagresulta sa pagkakahuli sa suspect.
Bukod dito , napag-alaman rin ng mga awtoridad na ang suspect ay positibo sa paggamit ng shabu.
