Kanta ng Blackpink na ‘Kill This Love’ mayroon ng 1-B views

Pumalo na sa mahigit 1 billion views sa YouTube ang kantang “Kill This Love” ng Korean girl group na Blackpink.

Mula ng inilabas ang kanta noong Abril 4, 2019 ay mayroon na itong mahigit 1-B views at 15 milion likes sa YouTube channel.

Ito na ang pangalawang video ng Blackpink na nakakamit ng nasabing record.

Ang una kasi ay ang kantan nilang “DDU-DU DDU-DU” na mayroon ng mahigit 1.3 billion views.

Ilang mga Korean music video na nakakamit ng mahigit na 1-B views ay ang kanta ng BTS na “DNA” at kanta ni PSY na “Gangnam Style” at “Gentleman”.

Binuo ang grupo noong 2016 na kinabibilangan ng mga miyembro na sina Jisoo, Jennie, Rose at Lisa.