Justice Acting Sec. Fredderick Vida pormal nang nanumpa kay PBBM

Pormal nang nanumpa sa pwesto bilang Acting Secretary ng Department of Justice (DOJ) si Atty. Fredderick Vida.

Si Pang. Ferdinand Marcos, Jr. ang nangasiwa sa oath-taking ni Vida.

Itinalaga ni Pang. Marcos si Vida bilang acting secretary sa Department of Justice (DOJ) matapos nitong italaga noong Oktubre bilang Ombudsman si dating Justice Sec. Jesus Crispin Remulla.

Si Vida ay dating Assistant at Undersecretary ng DOJ mula 2023.

Dati ring nanungkulan si Vida bilang alkalde at vice mayor ng bayan ng Mendez-Nuñez sa Cavite.

Pinangunahan din ni Vida ang paglagda ng Pilipinas sa ASEAN Treaty on Extradition, kasama ang mga law ministers ng ASEAN.