Isang panalo na lamang ang kailangan ng Utah Jazz bago umusad sa semifinals matapos talunin sa Game 4 ang Memphis Grizzlies, 120-113.
Sa ngayon abanse na ang top-seeded Jazz sa 3-1 sa serye sa first round ng NBA playoffs.
Aminado ang Jazz players na ayaw na nilang maulit ang nangyari noong nakaraang taon sa bubble kung saan lamang din sila ng 3-1 sa playoffs pero sa huli ay nasilat sila ng Denver.
Muli na namang umeksena si Donovan Mitchell na umiskor ng 30 points habang ang Fil Am na si Jordan Clarkson, ang NBA’s 6th man of the year winner, ay nag-ambag ng 24.
Nagawang maipasok ng Utah ang 17 three points mula sa 34 (50%) na pagtatangka.
Sa panig ng Grizzlies si Ja Morant na nag-a-average ng 33.7 points sa unang tatlong games ay nagrehistro ng 23 points at 12 assists para sa Memphis.
