Nagpasalamat si Bicol Saro Partylist Rep. Terry Ridon kina Pangulong Ferdinand Marcos Jr., Transportation Secretary Giovani Lopez, at LTO Chief Markus Lacanilao matapos suspindihin ang nakatakdang impounding ng light electric vehicles (LEVs) gaya ng e-bikes at e-trikes na dapat sana’y magsisimula bukas, Disyembre 1, 2025.
Ayon sa pahayag, mahalaga ang hakbang na ito upang mabigyan ng oras ang LEV users na makapaghanda sa pagpapatupad at pag-amyenda ng mga patakaran.
Tinitiyak ng Kongreso na makikipagtulungan ito sa mga ahensyang pang-transportasyon upang pasimplehin ang proseso ng LEV registration at licensing.
Kabilang sa mga inaasahang reporma ang: LTO registration para sa LEVs na 50 kilos pataas, LTO driver’s license para sa mga gumagamit ng naturang LEVs, Mandatory road safety seminar para sa lahat ng bibili ng LEVs anuman ang bigat.
Binigyang-diin ni Ridon na mahalaga na talakayin at pag usapan ang nasabing asunto upang makabuo ng makatarungan at kapaki-pakinabang na polisiya para sa lahat ng sektor.
