Bigong makakuha ng approval sa makapangyarihang Commission on Appointment (CA) ang ad interim appointments ng ilang opisyal ng Commission on Elections (Comelec), Commission on Audit (COA) at Civil Service Commission (CSC).
Partikular na na-by-pass sina Comelec Chairman Saidamen Pangarungan, Commissioners George Erwin Garcia at Aimee Neri.
Ganun din sina COA Chairperson Rizalina Justol at CSC Chairman Karlo Nograles.
Hindi kasi inaprubahan ng mga miyembro ng CA ang kanilang appointment upang bigyang laya ang liderato ni President-elect Bongbong Marcos na magtalaga ng kaniyang mapipili para sa nasabing mga posisyon.
Wala ring quorum sa CA panel, dahil marami ang hindi na humarap sa hearing.
Nagsilbing presiding officer ang panel chairperson na si Sen. Cynthia Villar.
