Fully recovered na ang ikatlong kaso ng monkeypox sa bansa ayon sa Department of Health.
Ayon kay DOH officer-in-charge Maria Rosario Vergeire, natapos na ng 29-years old na Pinoy ang isolation period sa bahay.
Binigyan na rin ng isang clearance certificate ang pasyente noong Setyembre 8.
Sa 17 close contact ng pasyente, 13 ang nakatapos ng kanilang self-monitoring period at 4 ang nakatapos ng quarantine.
Lahat ay asymptomatic.
Samantala, nakalabas na sa ospital ang ikaapat na kaso ng monkeypox sa bansa noong Setyembre 15.
Ngunit ang 25-taong-gulang na Pilipino ay nagpapatuloy sa isolation.
Walang karagdagang pantal o sintomas ang naobserbahan mula sa pasyente.
Sa 20 malapit na contact ng pasyente, 18 ang nakatapos ng quarantine at 1 ang nakakumpleto ng self-monitoring period nang walang anumang senyales at sintomas ng sakit.
