Mainit na tinalakay ng House Committee on Metro Manila Development sa pamumuno ni Rep. Rolando Valeriano (2nd District, Manila) ang isyu kaugnay sa acquisition ng MOVE IT shares ng Grab Philippines.
Nakatanggap kasi ang panel ng sulat mula sa Lawyers for Commuters Safety and Protection at sa Digital Pinoys, kaugnay sa transport network vehicle services (TNVS) at motorcycle taxi operations.
Ayon kay Rep. Valeriano, ang nasabing sulat ay nagkakaroon ng alalahin at lumilihis sa Department of Transportation’s technical working group motorcycle taxi pilot study guidelines.
Ayon naman kay Marikina Representative Stella Luz Quimbo sa ngayon ang Grab ay mayruon pang unresolved complaints dahil sa overcharging of fares at shortchanging of compensation.
Sa panig naman ng Grab Public Affairs Manager Atty. Nicka Hosaka, siniguro nito na ang nasabing usapin ay business decision at hinde backdoor entrance sa motorcycle taxi pilot study guidelines.
Sa nasabing pagdinig, sumang ayon ang panel sa motion ni Rep. Joel Chua (3rd District, Manila) na magsagawa ng motu proprio inquiry, in aid of legislation ang naturang isyu.
