-- Advertisements --
Pasok na sa quarterfinals ng French Open si US Open finalist Leylah Fernandez.
Ito ay matapos na talunin niya si Amanda Anisimova ng US sa score na 6-4, 4-6, 6-3.
Aminado ito na nahirapan siya sa laro subalit ikinalugod niya dahil nalampasan niya ito.
Sa first set ay hawak ni Fernandez ang momentum hanggang makabawi ang US tennis player sa second set.
Umarangkada na lamang si Fernandez pagpasok ng third set at hindi na niya binitawan ang kalamangan.
Susunod na makakaharap nito si Italian world number 59 na si Martina Trevisan.
