-- Advertisements --
Nag-withdraw sa 2026 French Open doubles tournament sina Alexandra “Alex” Eala at Victoria Mboko, batay sa updated draw na inilabas nitong Miyerkules.
Sa bagong draw, wala na ang pangalan nina Eala at Mboko, at pinalitan sila nina Leylah Fernandez at Diana Shnaider na sasabak kontra kina Oksana Selekhmeteva at Anastasia Zakharova.
Nauna nang natapos ang kampanya ni Eala sa singles matapos matalo kay Iva Jovic, 6-4, 6-2.
Samantala, magpapatuloy pa rin sa singles competition si Mboko at nakatakdang humarap kay Katerina Siniakova sa second round ngayong araw ng Huwebes.
Wala pang inilalabas na opisyal na dahilan sa pag-withdraw ng dalawa sa doubles event.
