Tinalakay ng Pilipinas at ng New Zealand ang kanilang ugnayan ukol sa pagpapalakas ng mga proyekto para sa mga katutubo sa bansa.
Nakipagpulong si Department of Social Welfare and Development (DSWD) Secretary Rex Gatchalian kay New Zealand Ambassador to the Philippines Peter Kell at mga kinatawan ng National Commission on Indigenous Peoples (NCIP) at United Nations Development Programme (UNDP) Philippines.
Iniharap ng ambassador at iba pang bisita kay Sec. Gatchalian ang isang pangkalahatang-ideya ng isang proyekto na kanilang idinisenyo para sa mga katutubo na tinawag na “Katutubong Kababaihan at Mga Bata Leadership at Economic Empowerment sa Ancestral Domains (I-LEAD).”
Ang pagpupulong ay naglalayong matukoy ang mga umiiral na programa at serbisyo ng DSWD na maaaring isama sa proyekto ng I-LEAD at ipatupad sa mga komunidad ng mga katutubo.
Ang nasabing project ay tututukan sa economic empowerment ng mga katutubo (IPs), lalo na ang mga kababaihan at mga bata.
Una na rito, layon nito na tulungan ang mga katutubo sa kanilang pang-araw araw na pamumuhay.
