Isinagawa ng Department of Justice ang preliminary investigation sa kasong obstruction of justice laban kay Senador Robin Padilla, ayon sa tagapagsalita nitong si Atty. Polo Martinez.
Nakatakda ang susunod na pagdinig sa Nobyembre 6.
Inihain ng Philippine National Police-Criminal Investigation and Detection Group (PNP-CIDG) ang reklamo laban kay Padilla at iba pa noong Mayo 28 kaugnay ng pag-alis ni Senador Ronald “Bato” Dela Rosa sa gusali ng Senado.
Nagtungo si Dela Rosa sa Senado noong Mayo 11 matapos subukan ng mga awtoridad na ihain ang arrest warrant laban sa kanya mula sa International Criminal Court (ICC). Gayunman, nakalabas siya sa gusali noong Mayo 14.
Si Dela Rosa ay nahaharap sa ICC arrest warrant kaugnay ng umano’y pananagutan sa mga krimen laban sa sangkatauhan na may kaugnayan sa pagpatay sa kampanya kontra droga noong administrasyong Duterte.
Nauna nang iginiit ni Padilla na hindi niya tinulungan si Dela Rosa na tumakas, at sinabi niyang nakisabay lamang ito sa kanyang sasakyan palabas ng Senado.
