-- Advertisements --
Iniulat ng Department of Health (DOH) na aabot sa 8,346 ang bagong COVID-19 infections sa bansa, na mayroon nang kabuuang bilang sa ngayon na 1,054,983, hindi pa kasama ang datos mula sa pitong laboratoryo.
Ayon sa kagawaran, mula sa kabuuang bilang ay 71,472 ang total active cases, kung saan 94.7% ang mild, 1.9% ang asymptomatic, 1.1% ang critical, at 1.4% ang severe condition.
Samantala, ang kabuuang bilang ng recoveries ay tumaas din sa 966,080 matapos na 9,072 pang pasyente ang gumaling sa naturang respiratory disease.
Umakyat din ang death toll sa 17,431 kasunod nang naitalang 77 na bagong fatalities.
