Naglabas ang Department of Energy ng certificate of exemption para payagan ang Occidental Mindoro Electric Cooperative, Inc. (OMECO) na pumasok sa isang negotiated procurement para sa emergency power supply agreement para sa 17 megawatts (MWs).
Sa isang pahayag, sinabi ng Presidential Communications Office o PCO na ang Power Systems, Inc. ay mayroong umiiral na planta ng diesel power sa kabiserang bayan ng San Jose na maaaring magbigay sa OMECO ng anim na megawatts ng kuryente.
Ipinahiwatig na ito ang ilan sa mga hakbang na ginawa ng gobyerno mula nang ang Occidental Mindoro Electric Cooperative, Inc. ay nahaharap sa kakulangan ng kuryente na 22.5 megawatts (MWs) na sanhi ng madalas na pagkawala ng kuryente sa lugar.
Sinabi ng nasabing tanggapan na ang National Electrification Administration at Omeco ay humingi ng mga posibleng supplier para sa emergency power supply agreement o EPSA.
Dagdag dito, mayroong apat na diesel generator set na tig-2 MW kada yunit ang hawak ng mga electric cooperatives sa Region 8.
Una nang iginiit ng PCO na ang mga nasabing unit ay gagamitin bilang reserved power assets hanggang sa maihatid ang kanilang committed power supply.
