Hindi ikinatuwa ng ilang doctor to the barrios (DTTB) sa Western at Central Visayas ang utos ng Department of Health (DOH) na deployment ng rural health physicians sa Cebu City para manatiling sapat ang health sytem capacity nito sa COVID-19.
Kinondena ng mga doktor ang anila’y mapansamantalang kautusan ng DOH, dahil hindi raw dumaan sa wastong proseso ang pagbababa ng order.
Tulad ng pormal na sulat, konsultasyon sa mga stakeholders at wala rin umanong guidelines na binigay ang Health department kaugnay ng deployment.
Nakasaad daw sa DOH order na may petsang June 26, na simula June 30 hanggang September 5 magre-report sa Cebu City ang DTTBs mula Region 6.
Mula noong June 26 naman hanggang June 30 ang deployment ng Region 7 DTTBs sa lungsod.
“The DTTBs and the local chief executives should have been represented in decision-making involving this temporary reassignment. Failing to do so makes such directives exploitative for doctors and inconsiderate for the communities that they serve,” ayon sa statement.
Ayonsa mga doktor taliwas sa kanilang mandato bilang DTTB ang utos ng ahensya. Kaya naman daw kasi nilang maabot ang target ng DOH na pag-decongest sa mga ospital sa pamamagitan ng tulong medikal sa kani-kanilang komunidad.
“Let us not allow the disadvantaged communities to suffer from the loss of their rural health physicians at a time when they are needed the most.”
“We, the currently deployed DTTBs… are calling on to the DOH to rethink this directive. We demand the DOH Regional Offices in Regions VI and VII to hold an inclusive dialogue with our rural health physicians and their affected municipalities.”
Nitong Linggo nang kumpirmahin ng DOH ang utos hinggil sa deployment ng DTTBs sa lungsod.
“COVID-19 cases have reached a critical point in Cebu City and the Department is grateful to those who have risen to this patriotic call,” ani DOH spokesperson Usec. Maria Rosario Vergeire.
