KALIBO, Aklan—Magsasagawa ng prayer gathering ang Diocese of Kalibo ngayong araw ng Linggo, Setyembre 21, 2025 kasabay ng “Trillion Peso March” na inorganisa ng church groups, civil society organizations, labor unions, at political coalitions bilang tugon sa umano’y malawakang corruption sa pamahalaan sa mga flood control infrastructure projects.
Ayon kay Fr. Justy More, chancellor ng Diocese of Kalibo, tugon din ito sa sulat na ipinalabas ng Catholic Bishops Conference of the Philippines (CBCP) at Caritas Philippines kung saan, hinihikayat ang lahat para magsagawa ng hakbang upang makiisa sa nasabing panawagan.
Dakong alas-12:00 ng tanghali ay may isasagawang misa sa Diocesan Shrine and Parish of Our Lady of the Holy Rosary at susundan ito ng procession at prayer activities na gaganapin sa Jaime Cardinal Sin Park sa bayan ng New Washington, Aklan.
Dagdag pa ni Fr. More na ang lahat na makikibahagi sa naturang aktibidad hay pinagsusuot nila ng puting damit kung saan, ito ay hindi protesta kundi pawang pagdadasal para sa bayan.
