Inihayag ng Department of Agriculture na ipagpapatuloy nito ang agarang pag-aangkat ng asukal dahil itinuturing nitong sugar order ang memorandum na inilabas ng Office of the Executive Secretary.
Sinabi ni Agriculture Senior Undersecretary Domingo Panganiban na agad niyang aaksyunan ang pag-aangkat ng asukal dahil sa mataas na inflation rate na naitala sa bansa.
Aniya, bilang tugon sa direktiba ng Pangulo na tugunan ang inflation at lumikha ng buffer stock dahil ang asukal ay isa sa mga bahagi ng karamihan sa mga bilihin na nagtutulak sa patuloy na mataas na inflation rate, agad niya umanong binigyang-kahulugan ang memorandum na inilabas ng Office of ang Executive Secretary bilang pag-apruba upang magpatuloy sa pag-aangkat ng asukal.
Inatasan niya ang tatlong may kakayahan at accredited companies na magpatuloy sa pag-aangkat ng asukal sa kondisyon na sila ay sumang-ayon na bawasan ang presyo ng asukal at ibenta ang mga bilihin sa presyong katanggap-tanggap sa merkado.
Dagdag dito, walang ibinigay na detalye si Panganiban hinggil sa pag-aangkat ng asukal kasunod ng memorandum mula sa Office of the Executive Secretary.
Una ng naglabas ang Sugar Regulatory Administration ng kautusan na nagpapahintulot sa pag-aangkat ng 440,000 metric tons (MT) ng refined sugar sa ilalim ng Sugar Order No. 6 na ipinadala sa Office of the President noong February 9, 2023.
