Muling pinuna ni opposition Sen. Leila de Lima ang aniya’y kawalan ng aksyon ng Duterte administration sa mga mangingisdang Filipino at mamamahayag na biktima ng pangha-harass sa West Philippine Sea (WPS).
Ang pahayag ni De Lima ay kasunod ng pananahimik ng Malacañang sa napaulat na paghabol ng Chinese ships na armado ng missiles, sa bangkang sinasakyan ng mga mamahayag na naglilibot sa naturang bahagi ng karagatan noong Abril 8, 2021.
“90 nautical miles from our mainland lies an armada of Chinese ships that are there not to fish, or to take refuge from storms, but to simply chase off or attack any vessel that dare to get close to their stolen territory. Despite this, the Duterte administration does not appear alarmed, much less concern enough to do something to address such,” wika ni De Lima.
Giit ng senador, hindi ito ang inaasahang reaksyon mula sa isang presidente, habang ang mga mamamayan ay nagiging biktima ng pambu-bully.
“This is not the kind of reaction that we need and deserve from the President and his people as it sends an unfortunate message to the Filipinos and the rest of the world that we tolerate injustice and bullying from China against our own people. We deserve better,” dagdag pa nito.
Nabatid na malapit sa Ayungin Shoal ang ABS-CBN news team, na pasok sa exclusive economic zone nang mangyari ang pangha-harass ng mga sakay ng Chinese vessel.
