Nagpatayo ang Department of Agriculture (DA) ng Interim Social and Environmental Safeguards (SES) Unit upang masiguro ang transparent at responsable na pagpapatupad ng kanilang mga infrastructure projects.
Ayon kay DA Secretary Francisco Tiu Laurel, Jr., mahalaga ang hakbang na ito lalo na sa pagsasalin ng farm-to-market road (FMR) projects mula sa Department of Public Works and Highways simula 2026, at bilang tugon sa flood control scandal.
Napagalaman na mahigit sa 60,000 km ng kabuuang 131,000 km ng FMR network ang hindi pa natatayo.
Bukod sa FMRs, layunin din ng DA na palawakin ang agriculture infrastructure projects sa pamamagitan ng food hubs, cold storage, at rice mills.
Bibigyang-diin ng SES Unit ang pagsunod sa mga national regulation ng pamahalaan gayundina ang pamantayan ng mga development partner, at sisiguraduhing may proteksyon din sa kapaligiran at lipunan ang bawat proyekto.
