Cavite 4th district Rep. Elpidio “Pidi” Barzaga, pumanaw na sa edad na 74

Pumanaw na ngayong Sabado Abril 27, si Cavite 4th district Rep. Elpidio “Pidi” Barzaga sa California, USA, ayon sa kanyang pamilya.

Ayon sa post ng kanyang pamilya, si Cong. Pidi Barzaga ay naglingkod sa lalawigan ng Cavite at sa Lungsod ng Dasmariñas nang may buong puso.

Ang kanyang dedikasyon sa edukasyon, pangangalagang pangkalusugan, at pagpapagaan ng kahirapan ang nagbago aniya ng buhay at kinabukasan ng kanyang mga nasasakupan.

Aniya, maaalala ang mambabatas sa kanyang walang humpay na paghahangad nito ng hustisya.

Humihingi naman ng panalangin at suporta ang kanyang pamilya sa gitna ng kanilang pagdadalamhati.