Pinahiya nang namamayagpag na Cleveland Cavaliers ang Los Angeles Lakers nang lamangan nila ito ng 14 points na nagtapos sa score na 114-110.
Muling nagpakitang gilas ang star player ng Cavs na si Donovan Mitchell nang magbuhos ito ng 33 points, five rebounds at two assists para makuha nila ang kanilang ika-walong sunod na panalo.
Habang nasayang naman ang ipinasok na diskarte ni NBA superstar LeBron James na may 27 points, seven rebounds at four assists dahil nalasap nila ang kanilang ika-pitong talo mula nang magsimula ang bagong NBA season.
Samantala sa ibang game, inilampaso din ng Toronto Raptors ang katunggaling Chicago Bulls sa score na 113-104.
Nanguna si Fred Vanvleet sa Raptors (6-4) gamit ang 30 points at 11 assists upang masilat ang Bulls (5-6).
Una rito, nagwagi naman ang Memphies Grizzlies kontra Washington Wizards sa score na 103-97. (with reports from Bombo Allaiza Eclarinal)
