Bombo Davao, nakatanggap ng blood service platinum award mula sa Red Cross

DAVAO CITY – Muling tumanggap ang DXMF Bombo Radyo Davao ng isang prestihiyosong award mula sa Philippine Red Cross (PRC) Davao Chapter sa isinagawang 15th chapter assembly ng PRC ngayong araw lamang sa Pinnacle Hotel and Suites, Davao.

Isinasagawa ang taunang recognition ng PRC sa mga partner at sponsors nito na patuloy na nagbibigay ng suporta at napapanahon, sapat, ligtas at kalidad na suplay ng dugo sa mga nangangailangang taong bayan.

Isang Blood Services Platinum Award ang iginawad ng PRC sa Bombo Radyo Davao dahil sa walang sawa at limang taon nang sponsor ng mass blood donation ang himpilan na umabot sa kabuuang mahigit sa 500 blood units.