Biyaheng PITX patungong NAIA umarangkada na

Pormal nang umarangkada ngayong araw ang Parañaque Integrated Terminal Exchange (PITX) – Ninoy Aquino International Airport (NAIA) loop route.

Sa ulat, magsisimula ang operasyon ng PITX-NAIA Loop route ng alas-5 ng madaling araw hanggang alas-8 ng gabi.

Ang mga bus nito ay matatagpuan sa PITX Gate 5, Bay 31, na maghahatid ng mga commuter patungo sa NAIA Terminal 1, Terminal 2, at Terminal 3.

Dadaan din ang ruta sa NAIA Park ’N Fly at Tambo, Parañaque City.

Samantala, itinakda naman ang pamasahe nito sa flat rate na P150.