Muling nagpatupad ng balasahan ang Philippine National Police sa ilang mga opisyal nito.
Batay sa inilabas na kautusan ni Philippine National Police chief PGen. Rodolfo Azurin Jr., epektibo ngayong araw, Disyembre 19, 2022 ay magpapalit-palit ng puwesto ang tatlong mga opisyal nito.
Kabilang sa mga malilipat ng puwesto ay si P/BGen. Roderick Alba, na mula sa pagiging directo ng Police Regional Office 7 o Central Visayas ay manunungkulan na ito bilang Directorate for Human Resources and Doctrine Development (DHRDD).
Habang si P/BGen. Jerry Bearis ang papalit kay Alba bilang PRO7 director, mula sa dati nitong tungkulin sa Police Regional Office 3 (Central Luzon).
At nalipat naman bilang director ng Police Regional Office 11 si P/BGen. Alexander Tagum mula sa dating tungkulin nito bilang Directorate for Human Resources and Doctrine Development.
