Idinaan ni Australian Prime Minister Scott Morrison ang kanyang pagbati sa social media kay presumptive president Ferdinand “Bongbong” Marcos Jr. dahil sa panalo sa katatapos lamang na halalan.
Sa kanyang Twitter account, sinabi ni Morrison umaasa siya na mapag-ibayo pa ang samahan ng Pilipinas at ng Australia.
Ipinaalala rin Morrison na ang 75th anniversary ng Australia-Philippines relations noong nakaraang taon na sana raw ay maging sandalan pa ng pangmatagalang pagkakaibigan.
“I congratulate Ferdinand Marcos Jr @bongbongmarcos on being elected President of the Philippines at the national elections on 9 May. Following the 75th anniversary of Australia-Philippines relations last year, we look forward to continuing to advance our long-standing friendship.”
Bago pa man ang pagbati ng Australian leader, una nang ring nagpaabot din nang congratulatory messages sina United States President Joe Biden, Russian President Vladimir Putin, Chinese Presidente Xi Jinping, US
Secretary of State Antony Blinken at iba pang mga diplomats.
