Actress Lovi Poe ikinasal na sa nobyong si Monty Blencowe

Ikinasal na ang actress na si Lovi Poe sa kaniyang nobyong si Monty Blencowe.

Ginanap ang pag-iisang dibdib ng dalawa sa Cliveden House sa England.

Ang makasaysayang lugar ay itinayo noong 1666 ni Duke Buckingham.

Sa social media account ng actress ay ibinahagi nito ang ilang mga larawan at videos na kuha ng kaniyang kasal.

Ilan sa mga dumalo sa kasal ay sina Senator Grace Poe, Brian Poe Llamanzares, Vicki Belo at asawang si Hayden Koh , Bela Padilla, Rhian Ramos, Tim Yap at ilang mga malalapit na kamag-anak.

Disyembre 2020 ng maging engaged na ang dalawa at nitong Agosto 8, 2023 lamang inanunsiyo ng actress ang engagement.